Zlatan İbrahimoviçin “Milan”a keçidi sual atındadır. Bunu İtaliya mətbuatına açıqlama verən Paolo Maldini də etiraf edib. Amma “Milan”ın idman direktoru isveçli futbolçu ilə danışıqlar apardıqlarını da söyləyib: “Təbii ki, Zlatan transfer etmək istədiyimiz oyunçudur. Biz onunla danışıqlar aparırıq. Amma bizim başqa variantlarımız da var. Məsələ ondadır ki, vaxt ötdükcə İbranı transfer etmək şansımız azalır. O, oktyabrın 28-dən oynamır, ona görə də onu transfer etmək imkanlarımız daralır. “Milan”ın qapısı bütün istedadlı futbolçular üçün açıqdır”. Xatırladaq ki, 38 yaşlı isveçli futbolçunun MLS-də çıxış edən “Los Anceles Qalaksi” ilə müqavilə müddəti başa çatıb.